1. ຈັດຕັ້ງປະຕິບັດແນວທາງ, ນະໂຍບາຍຂອງພັກ, ກົດໝາຍຂອງລັດ, ວິໄສທັດ, ຍຸດທະສາດ, ແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນພັດທະນາວິທະຍາສາດເສດຖະກິດ-ສັງຄົມ ເພື່ອຫັນເປັນແຜນການ, ແຜນງານ ແລະ ໂຄງການລະອຽດຂອງຕົນ ໃນແຕ່ລະໄລຍະ;

2. ຄົ້ນຄວ້າ ແລະ ປະເມີນ ສະພາບເສດຖະກິດມະຫາພາກພາຍໃນປະເທດ ຢ່າງເປັນປົກກະຕິ, ພ້ອມທັງນຳສະເໜີບັນດາມາດຕະການຮັບມື ແລະ ແກ້ໄຂຢ່າງແທດເໝາະ ແລະ ທັນການ ເພື່ອປັບຕົວເຂົ້າສູ່ການມີສະຖຽນລະພາບ ແລະ ມີຄວາມສົມດຸນໃນພື້ນຖານເສດຖະກິດ; ຄົ້ນຄວ້າກ່ຽວກັບການປ່ຽນແປງທາງດ້ານນະໂຍບາຍເສດຖະກິດມະຫາພາກຢູ່ພາຍໃນປະເທດ; ພ້ອມທັງປະເມີນ ແລະ ຕີລາຄາຜົນກະທົບທີ່ອາດສົ່ງຜົນຕໍ່ການເຕີບໂຕ ແລະ ສະຖຽນລະພາບຂອງເສດຖະກິດລາວ;

3. ຄົ້ນຄວ້າກ່ຽວກັບການປ່ຽນແປງທາງດ້ານນະໂຍບາຍເສດຖະກິດມະຫາພາກຢູ່ຕ່າງປະເທດ; ພ້ອມທັງປະເມີນ ແລະ ຕີລາຄາຜົນກະທົບທີ່ອາດສົ່ງຜົນຕໍ່ສະຖຽນລະພາບຂອງເສດຖະກິດລາວ;

4. ຮ່ວມມືກັບບັນດາອົງການຈັດຕັ້ງທີ່ກ່ຽວຂ້ອງຂອງພາກລັດ, ອົງການຈັດຕັ້ງສາກົນ ແລະ ເອກະຊົນ ທັງພາຍໃນ ແລະ ຕ່າງປະເທດ ໃນການຄົ້ນຄວ້າ ແລະ ນຳສະເໜີເພື່ອພິຈາລະນາກ່ຽວກັບນະໂຍບາຍເສດຖະກິດມະຫາພາກເພື່ອຊຸກຍູ້ສົ່ງເສີມການພັດທະນາເສດຖະກິດ-ສັງຄົມແຫ່ງຊາດ ໃຫ້ມີການເຕີບໂຕຢ່າງຕໍ່ເນື່ອງ, ມີຄວາມສົມດຸນ ແລະ ຕາມທິດຍືນຍົງ;

5. ຄຸ້ມຄອງ, ຕິດຕາມ, ກວດກາ ແລະ ຊຸກຍູ້ການປະຕິບັດບັນດາໂຄງການຄົ້ນຄວ້າທີ່ຢູ່ໃນຄວາມຮັບຜິດຊອບຂອງຕົນໃຫ້ສຳເລັດຕາມລະບຽບການ;

6. ສຶກສາອົບຮົມການເມືອງແນວຄິດ, ຄຸ້ມຄອງ, ກໍ່ສ້າງ ແລະ ຍົກລະດັບຄວາມຮູ້ຄວາມສາມາດ ຂອງພະນັກງານຂອງຕົນໃຫ້ສູງຂຶ້ນເລື້ອຍໆ;

7. ປະຕິບັດໜ້າທີ່ອື່ນໆ ຕາມການມອບໝາຍ ຂອງປະທານສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ.