1. ຈັດຕັ້ງຜັນຂະຫຍາຍແນວທາງ ນະໂຍບາຍຂອງພັກ, ຂໍ້ກຳນົດ, ກົດລະບຽບ ແລະ ກົດໝາຍຂອງລັດ, ວິໄສທັດແຜນຍຸດທະສາດ ແລະ ແຜນພັດທະນາວິທະຍາສາດສັງຄົມ ຂອງສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ ເພື່ອຫັນເປັນແຜນການ, ໂຄງການ ແລະ ແຜນງານລະອຽດ ໃນແຕ່ລະໄລຍະ;

2. ຄົ້ນຄວ້າວິທະຍາສາດການເມືອງ ຕາມຫຼັກມູນທິດສະດີມາກ-ເລນິນ, ແນວຄິດ ໄກສອນ ພົມວິຫານ, ຄົ້ນຄວ້າແນວຄິດ, ທິດສະດີທີ່ກ້າວໜ້າ ຂອງມວນມະນຸດ, ທິດສະດີ ແລະ ພຶດຕິກໍາແຫ່ງການນຳພາ-ຊີ້ນຳຂອງພັກ, ການຄຸ້ມຄອງລັດ-ຄຸ້ມຄອງສັງຄົມ;

3. ຄົ້ນຄ້ວາ-ວິໄຈ ທິດສະດີພື້ນຖານ ແລະ ພຶດຕິກຳ ກ່ຽວກັບວິທະຍາສາດການເມືອງ, ລະບອບການເມືອງພັກກໍອໍານາດ, ແນວທາງນະໂຍບາຍ, ຊົນຊັ້ນ ແລະ ແນວຄິດຮັກຊາດທີ່ເປັນມູນເຊື້ອ ຂອງຊາດລາວ;

4. ຄົ້ນຄວ້າ, ວິໄຈກ່ຽວກັບການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ ຢູ່ພາຍໃນ ແລະ ຕ່າງປະເທດ, ຄົ້ນຄວ້າທິດສະດີ ແລະ ພຶດຕິກຳ ໃນການປະຕິບັດກົດໝາຍ ໃນແຕ່ລະໄລຍະ ເພື່ອຕອບສະໜອງຂໍ້ມູນວິທະຍາ ສາດ ໃຫ້ແກ່ການບຸລະນະລັດປະຊາທິປະໄຕປະຊາຊົນ ຢູ່ປະເທດເຮົາ;

5. ຄົ້ນຄວ້າທ່າອ່ຽງດ້ານການເມືອງ, ສະພາບການພັດທະນາເສດຖະກິດ, ວັດທະນະທໍາ-ສັງຄົມຂອງບັນດາປະເທດໃນເງື່ອນໄຂເຊື່ອມໂຍງພາກພື້ນ ແລະ ສາກົນ;

6. ຄົ້ນຄວ້າ-ວິໄຈພື້ນຖານທິດສະດີເສດຖະສາດການເມືອງມາກ-ເລນິນ ແລະ ບັນດາທິດສະດີເສດຖະສາດການເມືອງພາຍໃນ ແລະ ສາກົນ ເພື່ອໝູນໃຊ້ເຂົ້າໃນການພັດທະນາເສດຖະກິດ-ສັງຄົມຢ່າງມີຫົວຄິດປະດິດສ້າງ ແລະ ແທດເໝາະກັບຄວາມເປັນຈິງໃນຍຸກສະໄໝປັດຈຸບັນ.

7. ໃຫ້ຄຳປຶກສາ, ເຂົ້າຮ່ວມວິໄຈ ແລະ ມີຄຳເຫັນຢັ້ງຢືນທາງດ້ານວິທະຍາສາດການເມືອງໃນການວາງວິໄສທັດ ຍຸດທະສາດ, ແຜນການ, ແຜນງານ ແລະ ໂຄງການຄົ້ນຄວ້າ ໃຫ້ແກ່ສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ, ບັນດາກະຊວງ, ອົງການປົກຄອງທ້ອງຖິ່ນ ແລະ ລັດວິສາຫະກິດ;

8. ຄົ້ນຄວ້າ, ແປ, ຮຽບຮຽງຜົນການຄົ້ນຄວ້າທີ່ສຳຄັນ, ຈຳເປັນທັງພາຍໃນ ແລະ ຕ່າງປະເທດ ເພື່ອສ້າງຖານຂໍ້ມູນກ່ຽວກັບວິທະຍາສາດການເມືອງ ແລະ ເຜີຍແຜ່ຜົນການຄົ້ນຄວ້າ ຂອງຕົນສູ່ສັງຄົມ;

9. ອຳນວຍຄວາມສະດວກໃຫ້ແກ່ເພື່ອນຮ່ວມງານ ໃນການເຄື່ອນໄຫວປະຕິບັດໂຄງການຄົ້ນຄວ້າ ທີ່ໄດ້ຮັບມອບໝາຍຈາກຂັ້ນເທິງຕາມເງື່ອນໄຂ ແລະ ຄວາມສາມາດຕົວຈິງ;

10. ສ້າງແຜນການ, ແຜນງົບປະມານ, ຄຸ້ມຄອງ ແລະ ຕິດຕາມ, ການນໍາໃຊ້ງົບປະມານເຂົ້າໃນໂຄງການຄົ້ນຄວ້າວິທະຍາສາດຢ່າງເໝາະສົມ ແລະ ມີປະສິດທິຜົນ, ພ້ອມທັງຊຸກຍູ້ການປະຕິບັດໂຄງການຄົ້ນຄວ້າທີ່ຢູ່ໃນຄວາມຮັບຜິດຊອບຂອງຕົນ ໃຫ້ສໍາເລັດຕາມລະບຽບການ;

11. ພົວພັນຮ່ວມມືກັບອົງການຈັດຕັ້ງທີ່ຄົ້ນຄວ້າວິທະຍາສາດຂອງປະເທດເພື່ອນມິດ, ອົງການຈັດຕັ້ງພາຍໃນ ແລະ ເພື່ອແລກປ່ຽນບົດຮຽນໃນການຄົ້ນຄວ້າວິທະຍາສາດການເມືອງ, ຍາດແຍ່ງການຊ່ວຍເຫຼືອດ້ານທຶນຮອນ ແລະ ເຕັກນິກວິຊາການ;

12. ຈັດສຳມະນາ ຫຼື ຝຶກອົບຮົມຍົກລະດັບຄວາມຮູ້ຄວາມສາມາດດ້ານວິຊາການ, ເຂົ້າຮ່ວມສຳມະນາທີ່ຈັດຂຶ້ນຢູ່ ພາຍໃນ ແລະ ຕ່າງປະເທດ;

13. ຄຸ້ມຄອງກົງຈັກການຈັດຕັ້ງ ແລະ ບຸກຄະລາກອນ, ວຽກງານບໍລິຫານ ແລະ ປະສານງານພາຍ ໃນ ແລະ ພາຍນອກ ທີ່ຢູ່ໃນຄວາມຮັບຜິດຊອບຂອງຕົນ ຕາມລະບຽບການ, ພ້ອມທັງ ກໍ່ສ້າງພັກ-ພະນັກງານ, ປະຕິບັດນະໂຍບາຍຕໍ່ນັກຄົ້ນຄວ້າ, ພະນັກງານ-ລັດຖະກອນ ທີ່ມີຜົນງານ ແລະ ສະເໜີລົງວິໄນຕໍ່ຜູ້ກະທຳຜິດ, ຕິດຕາມ,ກວດກາການປະຕິບັດໜ້າທີ່ ຕາມກົດໝາຍ ແລະ ລະບຽບການ;

14. ປະຕິບັດໜ້າທີ່ອື່ນໆຕາມການມອບໝາຍ ຂອງປະທານສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ.