ປອ. ແກ້ວວິວອນ ອຸດທະຈັກ, ຄະນະພັກ, ຮອງປະທານ ສວສສຊ ໄດ້ໃຫ້ກຽດຂຶ້ນເລົ່າມູນເຊື້ອວັນສ້າງຕັ້ງອົງການ ຈັດຕັ້ງສະຫະພັນແມ່ຍິງລາວ ເພື່ອຫວນຄືນມູນເຊື້ອ ແລະ ການເຕີບໃຫຍ່ຂະຫຍາຍຕົວ ແລະ ຜົນງານທີ່ຍາດມາໄດ້ແຕ່ລະໄລຍະຂອງອົງການຈັດຕັ້ງສະຫະພັນແມ່ຍິງລາວຕະຫຼອດ 71 ປີຜ່ານມາ;  ກອງປະຊຸມຍັງໄດ້ຈັດໃຫ້ມີເວທີສົນທະນາພາຍໃຕ້ຫົວຂໍ້: ແມ່ຍິງສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ ກ້າວໜ້າດ້ວຍປັນຍາ ແລະ ຄວາມສາມາດ” ເພື່ອແລກປ່ຽນຄວາມຄິດເຫັນຢ່າງຮອບດ້ານ ກ່ຽວກັບບົດບາດ ແລະ ຄວາມສຳ ຄັນຂອງຄວາມສະເໝີພາບຍິງ-ຊາຍ, ບັນຫາ ແລະ ອຸປະສັກໃນສັງຄົມລາວຕໍ່ການກຳນົດຍຸດທະສາດການຊຸກຍູ້ແມ່ຍິງໃຫ້ກ້າວຂຶ້ນສູ່ລະດັບຜູ້ບໍລິຫານ, ການພັດທະນາຄວາມສາມາດຂອງແມ່ຍິງ ເພື່ອສ້າງໂອກາດໃນການສະ ແດງອອກ ແລະ ການເຂົ້າເຖິງໂອກາດຕ່າງໆຢ່າງເທົ່າທຽມກັບເພດຊາຍ. ໃນໂອກາດດັ່ງກ່າວໄດ້ມີການສະຫຼຸບລາຍງານຜົນສຳເລັດ ແລະ ວາງ ທິດທາງແຜນການ, ມອບ-ຮັບໃບຍ້ອງຍໍ 3 ດີ ສະໄໝ VIII (2021-2025) ໃຫ້ກັບສະ ມາຊິກທີ່ມີຜົນງານດີເດັ່ນ ແລະ ຈັບມືແຂ່ງຂັນ 3 ດີ ລະຫວ່າງ 10 ໜ່ວຍຮາກຖານ ເພື່ອເປັນການລິເລີ່ມໃນການຈັດ ຕັ້ງປະຕິບັດແຜນການຂອງສະຫະພັນແມ່ຍິງ ສວສສຊ ໃນຊຸມປີຕໍ່ໜ້າ ຕາມຄຳຂວັນທີ່ວ່າ: ກ້າວໜ້າດ້ວຍປັນຍາ ແລະ ຄວາມສາມາດ.

          ໃນໂອກາດທີ່ມີຄວາມໝາຍສໍາຄັນນີ້ , ປອ. ລີເບີ ລີບົວປາວ, ປະທານ ສວສສຊ ໄດ້ໂອ້ລົມ ແລະ ເນັ້ນໜັກໃຫ້ຄະນະບໍລິຫານງານສະຫະພັນແມ່ຍິງ ແລະ ສະມາຊິກທຸກສະຫາຍ ຈົ່ງເພີ່ມທະວີຄວາມເປັນເຈົ້າການໃນການຜັນຂະຫຍາຍເນື້ອໃນຂໍ້ແຂ່ງຂັນ 3 ດີ (ເປັນພົນລະເມືອງດີ, ພັດທະນາດີ ແລະ ສ້າງຄອບຄົວດີ) ໃຫ້ກາຍເປັນໄມ້ຫຼາວັດແທກ ແລະ ເປັນແຮງຂັບເຄື່ອນໃນການປະຕິບັດໜ້າທີ່ການເມືອງ, ວຽກງານຄົ້ນຄວ້າວິທະຍາສາດ, ວຽກງານຂະ ບວນການຕ່າງໆໃຫ້ບັນລຸຄຸນນະພາບສູງສຸດ, ເອົາໃຈໃໃສ່ສຶກສາອົບຮົມແນວຄິດການເມືອງ, ປັບປຸງແບບແຜນວິທີເຮັດວຽກ, ແບບແຜນການດໍາລົງຊີວິດ ເພື່ອຮັບປະກັນໃຫ້ຂະບວນການ 3 ດີ ກ້າວຂຶ້ນຢ່າງບໍ່ຢຸດຢັ້ງ ແນໃສ່ສ້າງ ສວສສຊ ໃຫ້ເຕີບໃຫຍ່ເຂັ້ມແຂງ ແລະ ສົມກັບການເປັນເສນາທິການທາງດ້ານສະຕິປັນຍາ ທີ່ໄວ້ເນື້ອເຊື່ອໃຈໃຫ້ແກ່ຂັ້ນເທິງ.